कञ्चनपुरमा एक गोठमा आगलागी

धनगढीः कञ्चनपुरमा एक गोठमा आगलागी भएको छ। जिल्लाको बेलौरी नगरपालिका वडा नम्बर ५ मा एक गोठमा आगो लागेको हो।

बन्तरियामा राम सिंह कार्कीको घर नजिकैको गोठमा आगलागी हुँदा काठ, भुसा, काठको धान राख्ने भकारी लगायत सामाग्री पूर्ण रूपमा जलेको छ। बाख्राका पाठालाई जाडोबाट बचाउनका आगोमा सेकाउने क्रममा मङ्गलवार राति बालेको आगोबाट गोठमा सल्किएको हो। कार्कीले राति आगो निभाउन बिर्सिएकाले क्षति भएको बताएका छन्। बुधवार बिहान गोठमा आगलागी भएको देखेपछि प्रहरी र स्थानीय जनप्रतिनिधि लाई खबर गरिएको थियो।

पुनर्वास नगरपालिकाको दमकल र जेसिबीको सहायतामा आगो नियन्त्रणमा लिइएको छ। बेलौरी नगरपालिकासँग दमकल छैन।