काँग्रेस सभापति देउवा छोरा जयविरसिंह माघमा बिहे गर्दै

काठमाडौँः नेपाली कांग्रेसका सभापति तथा पूर्वप्रधानमन्त्री शेरबहादुर देउवाका छोरा जयविरसिंह यही माघमा बिहे गर्दैछन्।

उनी प्रेमिका शिवाना श्रेष्ठसँग माघ २१ गते विवाह गर्न लागेका हुन्। काठमाडौँमा गत जेठ १ मा जयवीरले शिवानासँग इन्गेजमेन्ट गरेका थिए। इन्गेजमेन्ट भएको आठ महिनापछि उनीहरु वैवाहिक बन्धनमा बाँधिन लागेका हुन्।

जयवीरसिंह शेरबहादुर र आरजु देउवाका एक्ला सन्तान हुन् भने शिवाना पूर्वपरराष्ट्र सचिव केदारभक्त श्रेष्ठकी नातिनी हुन्। दुबै जना लामो समयदेखि प्रेम सम्बन्धमा थिए।