साहित्यकार पाण्डेयको बस दुर्घटनामा मृत्यु
काठमाडौंः समालोचक तथा वामपन्थी चिन्तक प्राध्यापक डाक्टर ताराकान्त पाण्डेयको बस दुर्घटनामा मृत्यु भएको छ।
नेपालगञ्जबाट काठमाडौं आउने क्रममा दाङको भालुबाङमा भएको बस दुर्घटनामा पाण्डेयको निधन भएको हो। प्रगतिवादी साहित्यमा समर्पित उनी इच्छुक सांस्कृतिक प्रतिष्ठानका अध्यक्ष समेत थिए। हाल उनी मोहन वैद्य किरण नेतृत्वको क्रान्तिकारी कम्युनिष्ट पार्टीका केन्द्रीय सल्लाहकार तथा स्कुलिङ विभाग सदस्य थिए। पार्टीले कैलालीमा आयोजना गरेको स्कुलिङ कार्यक्रममा सहभागी भएर फर्किने क्रममा उनको बस दुर्घटनामा परी निधन भएको हो।
२०१७ असोज ८ गते रुपन्देहीमा जन्मेका २०३६ सालदेखि नेपाली साहित्यमा निरन्तर सकृय थिए। उनका भूमिका र मूल्याङ्कन ९२०५३०, प्रगतिवाद र कविता ९२०५६०, देवकोटाको व्यङ्ग्य व्यक्तित्व ९२०५८०, अर्थभ्रान्तिको उत्तर चेतनाका विरुद्ध ९२०६७०, अर्थको आनन्द ९२०६८०, समय र सिर्जना ९२०६८० जस्ता समालोचना प्रधान कृतिहरु प्रकाशित थिए।
