प्रधानमन्त्रीले प्रतिपक्षीलाई अपमान गर्यो : कांग्रेस नेता पौडेल

नेपाली कांग्रेसका नेता रामचन्द्र पौडेलले प्रधानमन्त्रीका अभिव्यक्तिहरु अहंकार र उन्मादले ग्रस्त भएको टिप्पणी गरेका छन्। सिन्धुलीमा पत्रकार सम्मेलनमा उनले संसद्मा सोमबार प्रधानमन्त्रीले प्रतिपक्षीलाई अपमान गरेको आरोप लगाए। उनले सरकार अलोकतान्त्रिक मानसिकताले ग्रस्त भएकाले आर्थिक र सामाजिक अराजकता बढेको बताए। उनले काँग्रेसभित्रको आन्तरिक मतभेद कायमै रहेको भन्दै पार्टीलाई सुदृढ बनाउन आन्तरिक संघर्ष चलेको पनि जिकिर गरे।