चोरी भएको मोटरसाइकल खोज्यो कैलाली प्रहरीले

धनगढीः चोरी भएको एक थान मोटरसाइकल खोजेर प्रहरीले सवारी धनीलाई जिम्मा लगाएको छ।  विहिवार विहान धनगढी उपमहानगरपालिका–१२ कम्पनी टोलका २८ वर्षीय धनराज धामीको मोटरसाइकल चोरी भएको थियो। 

यामाहा एमटी–१५ बीएस–६ ब्ल्याक ओरेन्ज कम्पनीको मोटरसाइकल चोरी भएको थियो। बागमती प्रदेश बागमती प्रदेश ०२–०४७ प ३२३५ नम्बरको १५५ सिसिको मोटरसाइकल चालकको घरको आगनमा पार्किङ् गरी राखेको अवस्थामा चोरी भएको जानकारी प्रहरीले प्राप्त गरेपछि खोजीकार्य गरेको हो।

अस्थाई प्रहरी पोष्ट जुगेडाबाट प्रहरी गस्ती टीलीले विहिबार विहान नै चोरी भएको मोटरसाइकल खोजेर अस्थायी प्रहरी पोष्ट जुगेडाका प्रहरी नायव निरीक्षक राजेन्द्र बमले मोटरसाइकल धनीलाई बुझाएका छन्।