लागु औषधसहित २ जना पक्राउ

धनगढीः लागु औषधसहित २ जना पक्राउ परेका छन। कैलालीको गोदावरी नगरपालिका–३ चौकी डाँडाबाट एक र कञ्चनपुरको कृष्णपुर नगरपालिका–८ बाट एक जना पक्राउ परेका हुन्।

सुदूरपश्चिम प्रदेश, प्रहरी कार्यालय, धनगढीका अनुसार कैलालीको गोदावरी नगरपालिका वडा नम्बर ३ चौकी डाँडाबाट २६ वर्षीय राजेश लुहार पक्राउ परेका हुन्। प्रहरीले उनको साथबाट २ सय २० मिलिग्राम लागु औषध फेला पारेको छ। इलाका प्रहरी कार्यालय, मालाखेतीको टोलीले उनलाई पक्राउ गरेको हो। 

यस्तै, कञ्चनपुरका कृष्णपुर नगरपालिका–८ का २८ वर्षीय हरिश भण्डारीसमेत पक्राउ परेका छन। बुधवार साँझ उनको साथबाट प्रहरीले तीन ग्राम ४७ मिलिग्राम लागु औषध फेला पारेको थियो।उनलाई प्रदेश प्रहरी कार्यालय महेन्द्रनगर, लागूऔषध नियन्त्रण ब्यूरो र ईलाका प्रहरी कार्यालय रैकवारबाट खटिएको प्रहरीले पक्राउ गरेको हो।        
प्रहरीले आवश्यक अनुसन्धान गरिरहेको छ।