धनगढीका तीन विद्यार्थी सिटिइभिटीको परीक्षामा टप

धनगढीः धनगढी उपमहानगरपालिकाले सञ्चालन गरेको धनगढी पोलिटेक्निक इन्ष्टिच्युटका तीन विद्यार्थीले सिटिइभिटीको परीक्षा टप गरेका छन्। होटेल व्यावस्थापनमा काशीराम खत्रीले सिटिइभिटी टप गरेका हुन्।

पोलिटेक्निक इन्ष्टिच्युटबाट होटल व्यवस्थापनमा भीम जोशी दोस्रो र करनबहादुर पनाडी तेस्रो भएका छन्। उनीहरूले क्रमश: ७९ दशमलव ५७ प्रतिशत, ७७.५७ र ७७.४३ प्रतिशत अङ्क हासिल गरेका छन्। कलेजबाट यो वर्ष २२ जना होटेल व्यवस्थापन तर्फको वार्षिक परीक्षामा सम्मिलित भएका थिए।  वार्षिक परीक्षामा १० जना उत्तीर्ण भएका छन्।