कैलालीमा अनैतिक कार्यमा संग्लग्न तीन महिलासहित ६ जना पक्राउ

धनगढीः कैलालीको अत्तरियाबाट अनैतिक कार्यमा संलग्न तीन महिलासहित ६ जना पक्राउ परेका छन्। आइतवार अत्तरियामा भएको बजार अनुगमनको क्रममा उनीहरू पक्राउ परेका हुन्।

गोदावरी नगरपालिका वडा नम्बर २ का अध्यक्ष, गोदावरी होटल व्यवसायी संघका अध्यक्ष र इलाका प्रहरी कार्यालय मालाखेतीको संयुक्त अनुगमन टोलीले उनीहरुलाई पक्राउ गरेको हो। अनैतिक कार्यमा संलग्न ६ जनामा  होटल सञ्चालक समेत रहेको प्रहरीले जनाएको छ।

पक्राउ परेका उनीहरूलाई थुनामा राखेर थप अनुसन्धान अगाडि बढाइएको जिल्ला प्रहरी कार्यालय कैलालीले जनाएको छ। अनुगमन टोलीले स्थायी लेखा नम्बर तथा दर्ता बिना सञ्चालनमा रहेका तथा नवीकरण बिनै व्यवसाय सञ्चालन गरिरहेका  १५जना होटल व्यवसायीलाई व्यवसाय दर्ता गरेर सञ्चालन गर्न निर्देशन दिएको जनाइएको छ।