पलियामा धनगढी आउँदै गरेको स्कुटरलाई भारतीय गाडीले ठक्कर दिँदा दुई जना घाइते

धनगढीः भारतको पलियामा कैलालीको धनगढी आउँदै गरेको स्कुटरलाई ठक्कर दिँदा दुई जना घाइते भएका छन्।

भारतीय नम्बरको ट्रकले स्कुटरलाई ठक्कर दिँदा दुई नेपाली घाइते भएका छन्। सुदूरपश्चिम प्रदेश ०१०११ प ५२८३ नम्बरको स्कुटरलाई भारतीय नम्बरको ट्रकले आज ठक्कर दिएको हो। घाइतेहरुको पहिचान खुल्न बाँकी छ।

यस विषयमा थप जानकारी लिने प्रयास भइरहेको जिल्ला प्रहरी कार्यालय कैलालीले बताएको छ। स्कुटरमा सवार एक महिला र एक जना पुरुष घाइते भएको भिडियो तथा तस्वीर प्राप्त भएको छ। विस्तृत विवरण आउन बाँकी नै छ।