नेपाली क्रिकेट टिमलाई ५० लाख पुरस्कार

काठमाडौँः नेपाल क्रिकेट संघ (क्यान)ले नेपाल क्रिकेट टिमलाई ५० लाख रुपियाँले पुरस्कृत गर्ने भएको छ। आइसीसी टि–२० विश्वकप एसिया क्वालिफायरमा उपविजेता बनेर विश्वकप टि–२० मा चयन हुन सफल भएकोमा नेपाली क्रिकेट टिमलाई पुरस्कार दिइने भएको हो। क्यानको सोमवार बसेको कार्यसमितिको बैठकले सो निर्णय गरेको छ।

आठ राष्ट्र सहभागी एसिया छनोट प्रतियोगिताको फाइनलमा पुगेर नेपाल र ओमान सन् २०२४ मा हुने टि–२० विश्वकपमा चयन भएका थिए।

विश्वकप टि–२० अर्को वर्ष अमेरिका र वेस्ट इन्डिजमा हुँदैछ। नेपालले सन् २०१४ पछि टि–२० विश्वकप खेल्दैछ।