बझाङमा बस र जिप आपसमा ठोक्किए
![](https://dineshkhabar.com/sites/default/files/styles/row_list/public/field/image/398885744_7058644997490680_377881482751997821_n.jpg?itok=kZPDS2U9)
धनगढीः बझाङमा बस र जिप एक आपसमा ठोक्किएका छन्। खोड्पे–बझाङ जयपृथ्वी राजमार्ग अन्तर्गत केदारस्युँ गाउँपालिका वडा नम्बर ४ स्थित बाग्थलामा बस र जिप एक आपसमा ठोक्किएका हुन्।
बझाङबाट धनगढीका लागि छुटेको कर्णाली रिभर साइड यातायात प्रालिको सुदूरपश्चिम प्रदेश ०१००१ ख ३२७९ नम्बरको बस र धनगढीबाट बझाङ जाँदै गरेको सुदूरपश्चिम प्रदेश ०१००१ च ३६१३ नम्बरको जिप सोमवार अपराह्न बाग्थलामा रहेको अस्थायी ट्राफिक प्रहरी चेकपोष्ट नजिकै एक आपसमा ठोक्किएको प्रहरीले बताएको छ।
दुर्घटनामा मानवीय क्षति नभएको बझाङ प्रहरी प्रमुख भरत शाहले बताएका छन्। बस र जिप दुबैको अगाडिको भागमा क्षति भएको छ। दुबै जना चालकलाई अस्थायी ट्राफिक चेकपोष्ट बाग्थलाले नियन्त्रणमा लिएको छ।
![cp](https://dineshkhabar.com/sites/default/files/WhatsApp_Video_2023-06-04_at_12_04_26_PM_AdobeExpress (2).gif)
![add (golden walk)](https://dineshkhabar.com/sites/default/files/1720425056360.jpg)
![Sonalika](https://dineshkhabar.com/sites/default/files/Sonalika-Tractors-ko-web-banner-giff.gif)