सुदूरपश्चिममा भूकम्पबाट तीन जना घाइते
![फाइल फोटो](https://dineshkhabar.com/sites/default/files/styles/row_list/public/field/image/398487156_656180386694444_8869583179483753998_n.jpg?itok=E4OBgJyd)
धनगढी : सुदूरपश्चिममा भूकम्पबाट तीन जना घाइते भएका छन्। प्रदेश आपतकालिन कार्य सञ्चालन केन्द्र, धनगढीका अनुसार भूकम्पबाट तीन जना घाइते भएका हुन।
बैतडीको दोगडाकेदार गाउँपालिका वडा नम्बर १ रिम घोराडी बस्दै आएका तीन जना सामान्य घाइते भएका छन्। कर्णबहादुर कार्कीको घर भत्किँदा कार्कीसहित उनकी श्रीमती ४५ वर्षीया नारु कार्की र ९ वर्षीया छोरी भावना कार्की सामान्य घाइते भएका छन्। घरको पर्खाल भत्किँदा उनको गोठमा बाँधेका एक गाई, एक भैँसी र बाख्रा घाइते भएको जनाइएको छ। भूकम्पका कारण कार्कीको चारकोठे २ तले कच्ची घरको पर्खाल भत्किएको केन्द्रले जनाएको छ। घर भत्किँदा घरभित्र रहेका सबै अन्नपात नष्ट भएको र कार्कीको परिवारलाई अर्को घरमा सारिएको छ। राति आएको भूकम्पले प्रदेशका अन्य जिल्लामा मानवीय क्षति नभए पनि भौतिक क्षति भएको छ।
भूकम्पबाट अछाम र कैलालीमा भौतिक क्षति भएको जनाइएको हो। केन्द्रका अनुसार भूकम्पका कारण अछामका ६ वटा प्रहरी कार्यालयहरूमा आंशिक क्षति भएको छ भने पञ्चदेवल नगरपालिका वडा नम्बर ९ चल्तडा एक कच्ची घरको भित्ता चर्कदा आंशिक क्षति पुगेको जनाइएको छ।
यस्तै कैलालीको गौरीगंगा नगरपालिका वडा नम्बर ७ साझा बजार एक पक्की घरमा चर्किँदा आंशिक क्षति पुगेको जनाइएको छ।
![nast](https://dineshkhabar.com/sites/default/files/GIF_20240817_081752_058.gif)
![Sonalika](https://dineshkhabar.com/sites/default/files/Sonalika-Tractors-ko-web-banner-giff.gif)
![zeroo (add)](https://dineshkhabar.com/sites/default/files/456423139_541782204985733_4411965831574763754_n.jpg)