प्रधानमन्त्री दाहाल र एमाले अध्यक्ष ओलीबीच भेटवार्ता

काठमाडौँः  प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलीबीच भेटवार्ता भएको छ। उनीहरूबीच शुक्रवार दिउँसो सिंहदरबारमा भेटघाट भएको प्रधानमन्त्रीको सचिवालयले जानकारी दिएको छ।

तर, भेटमा के कुरा भयो भन्नेबारे प्रधानमन्त्री कार्यालय तथा पूर्वप्रधानमन्त्री ओलीको सचिवालयले औपचारिक रूपमा केही जानकारी दिएको छैन। भेटमा संयुक्त राष्ट्रसंघका महासचिव एन्टोनियो गुटरेसको नेपाल भ्रमण र पछिल्लो राजनीतिक घटनाक्रमबारे कुरा भएको बुझिएको छ।