फियोनको प्रथम उपहार धनगढीका जोशीलाई
धनगढीः नेपाल वित्तीय संस्था कर्मचारी संघ राष्ट्रिय वाणिज्य बैंक सुदूरपश्चिम प्रादेशिक समितिको प्रथम बम्पर उपहार धनगढीका तेजराज जोशीले जितेका छन्। आइतवार धनगढीमा भएको दसैं मिलन, शुभकामना आदान–प्रदान, विजेता छनोट एवं उपहार वितरण कार्यक्रममा राष्ट्रिय वाणिज्य बैंकको डोटी शाखामा कार्यरत धनगढी–३ का जोशीलाई प्रथम उपहार फ्रिज परेको हो।
कर्मचारी संघले आयोजना गरेको बम्पर उपहारमा बेलौरीको हरिओम सपिङ सेन्टरलाई द्वितीय उपहार स्टिल दराज, बझाङका हेमन्त भण्डारीलाई तृतीय उपहार मिक्चर परेको छ। यस्तै, बेलौरीका शिवराम राना, बझाङका राहुलदेव रोकाया, पवन भट्टराई र सत्यवादी माध्यमिक विद्यालय तथा महेन्द्रनगरका राहुल भट्टलाई सान्त्वना उपहार भित्तेघडी परेको छ।
नेपाल वित्तीय संस्था कर्मचारी संघ राष्ट्रिय वाणिज्य बैंक, सुदूरपश्चिम प्रादेशिक समिति धनगढीका अध्यक्ष दिपेन्द्रबहादुर भण्डारीको अध्यक्षतामा भएको कार्यक्रमका प्रनुख अतिथि नारायण लामिछानेले बम्पर उपहार कार्यक्रम सफल पार्न सहयोग गर्ने कर्मचारीलाई सम्मान गरेका थिए। उपहार कार्यक्रमका बिजेताहरूलाई पुरस्कार लिन धनगढीस्थित कर्मचारी संघलाई सम्पर्क गर्न अध्यक्ष भण्डारीले अनुरोध गरेका छन्। कार्यक्रममा राष्ट्रिय वाणिज्य बैंक शाखा कार्यालय अत्तरियाका शाखा प्रवन्धक गोविन्ददेव भट्टलाई संस्थाको उन्नति र प्रगतिका लागि प्रेरणादायी भूमिका खेले बापत सम्मान गरिएको थियो।
