चलचित्र ‘फर्की फर्की’को वर्कसपमा अनमोल केसी

काठमाण्डौंः  अभिनेता अनमोल केसी काममा फर्किएका छन्। उनको आगामी फिल्म ‘फर्की फर्की’को कार्यशाला सुरु भएको छ। निर्माता रोहित अधिकारीले उपलब्ध गराएका तस्वीरमा केसीलाई ताजा आभामा देख्न सकिन्छ।

निर्माता अधिकारीले कलाकार र निर्देशकीय टिमको उपस्थितिमा फिल्मको वर्कसप सुरु भएको जनाए। अभिनेत्री जसिता गुरुङले केही दिनमा वर्कसप ज्वाइन गर्नेछिन्। यतिबेला अनमोलसहित समृद्धि अर्याल, रवि काफ्लेले फिल्मबारे बुझिरहेका छन्। सुयोग गुरुङ निर्देशित ‘फर्की फर्की’ फिल्मले रिलिज मितिसमेत तय गरेको छ। यो फिल्मलाई आगामी जेठ ११ गते रिलिज गर्ने निर्माताले घोषणा गरेका छन्।

अधिकारी र ओमप्रकाश अग्रवालको निर्माणमा बन्ने फिल्मको सहनिर्मातामा मनोज वली र ओम अग्रवाल छन्। नरेन्द्र मैनालीको छायांकन हुने फिल्ममा रोमन बज्राचार्य, नरेन लिम्बू र अनमोल गुरुङको संगीत हुनेछ।