एनएमबी बैंक र मुस्कान डेन्टलको सहकार्यमा दन्त शिविर सम्पन्न 

धनगढीः एनएमबी बैंक लिमिटेड धनगढी शाखाले दन्त शिविर गरेको छ। एनएमबी बैंकले मुस्कान डेन्टल होमसँग सहकार्य गरेर एक दिने निशुल्क दन्त शिविर गरेको हो।

उक्त शिविर धनगढी उपमहानगरपालिका–८ को आधारभूत स्वास्थ्य केन्द्रमा सञ्चालन गरिएको बैंकले बताएको छ। शिविरमा १२७ जनाले सेवा लिनुका साथै औषधीपनि निशुल्क वितरण गरिएको बताइएको छ।

प्रदेशमै नभएको एन–क्लास डिजिटल स्टेरिलाईजेसन प्रविधिद्धारा सेवा दिनुका साथै दन्त होममा आरसीटी उपचार गर्ने लगायत दाँतसम्बन्धी समस्याको उपचार हुने गरेको होमका सन्दीप शर्माले जानकारी दिए। बैंकका प्रदेश प्रमुख श्याम अधिकारी, डाक्टर रोशन भट्ट र वडा अध्यक्ष जुगराम चौधरीलगाएतको उपस्थितिमा शिविर सम्पन्न भएको बैंकले जानकारी दिएको छ।