कैलालीमा मोटरसाइकलको ठक्करबाट एकजना घाइते
२०८० असोज १०, १०:२८
धनगढीः कैलालीमा मोटरसाइकलको ठक्करबाट एकजना घाइते भएका छन्। जिल्लाको गौरीगंगा नगरपालिका १ का ६० वर्षीय साइकलयात्री विजयराम डंगौरालाई मोटरसाइकलले ठक्कर दिँदा मंगलवार घाइते भएका हुन्।
डंगौरालाई सोही ठाउँका भागीराम चौधरीले चलाएको से २ प ४४७२ नम्बरको मोटरसाइकलले ठक्कर दिएको इलाका प्रहरी कार्यालय चौमालाले जनाएको छ। घाईते डंगौराको चौमालामा सामान्य उपचारपछि थप उपचारका लागि मायामेट्रो अस्पताल धनगढीमा ल्याइ उपचार भइरहेको चौमाला प्रहरीले बताएको छ। चालक र मोटरसाइकललाई नियन्त्रणमा लिई अनुसन्धान भइरहेको छ।
कमेन्ट लोड गर्नुस