गोदावरीको –६ नम्बर वडाद्धारा ‘राती १० बजेपछि नाचगान नगर्नु’ आग्रह

धनगढीः  कैलालीको गोदावरी नगरपालिकाको –६ नम्बर वडा कार्यालयले राती १० बजेपछि नाचगान नगर्न आग्रह गरेको छ।

वडाअध्यक्ष जग्गुराम चौधरीले एक सूचना जारी गर्दै राती १० बजे पछि नाचगान नगर्न र नगराउन अनुरोध गरेका हुन्। सूचनामा राती दिदीवहिनीहरुले नाचगान गर्दा अनैतिक क्रियाकलाप जस्ता घटना घट्न सक्ने भएकाले १० बजेपछि नाचगान नगर्न अनुरोध गरिएको छ।

अवेर राती सम्म तिज तथा अटवारी पर्व मनाउदा जाड रक्सी खाइ अनैतिक क्रियाकलाप जस्ता घटना घट्ने र घटाउने सम्भावना भएको हुदा त्यस्ता क्रियाकलाप तथा अप्रिय घटना हुन नदिन अवेर राती १० बजे पछि नाचगान नगर्न र नगराउन हुन सबै दिदिबहिनीहरुमा अनुरोध गरिन्छ’ सूचनामा उल्लेख छ।