कञ्चनपुरमा सवारी दुर्घटना, यी हुन घाइते ९ जना
कञ्चनपुरः कञ्चनपुरमा सवारीसाधन एक आपसमा ठोक्किएर दुर्घटना भएको छ।
जिल्लाको कृष्णपुर नगरपालिका–२ बंकमा विङ्गरले जिपलाई ठक्कर दिदा ९ जना घाइते भएका छन्। म १ ज २८७ नम्बरको विङ्गरले से १ झ २४६ नम्बरको जिपलाई ठक्कर दिँदा ९ जना घाइते भएका हुन्। सरकारी नम्बर प्लेटको जिप कृष्णपुर नगरपालिकाको भएको सुदूरपश्चिम प्रदेश ट्राफिक प्रहरी कार्यालय अत्तरियाले जनाएको छ।
दुर्घटनामा बैतडी दशरथ चन्द नगरपालिका–२ का २४ वर्षीय आनन्द पुजारा, बझाङका ३० वर्षीय गणेश बोहरा, ४७ वर्षीय जयलाल बोहरा, कञ्चनपुरको वेदकोट नगरपालिका–६ का ४० वर्षीय महेश भट्ट, ३५ वर्षीय प्रकाशचन्द्र भट्ट, कृष्णपुर नगरपालिका–२ का प्रकाश नाथ, शुक्लाफाँटा नगरपालिका–६ की ६० वर्षीया चन्द्रादेबी ऐर, ४७ वर्षीया शान्तिदेबी ऐर र कृष्णपुर नगरपालिका–५ का ३५ वर्षीय जनक भण्डारी घाइते भएको जिल्ला प्रहरी कार्यालय कञ्चनपुर जनाएको छ।
दुर्घटनामा घाइते भएका जिपका चालक जनक भण्डारीलाई उपचारका लागि निसर्ग हस्पिटल धनगढीमा पुगाइएको छ भने अन्य घाइतेको स्थानीय अस्पतालमा उपचार भइरहेको प्रहरीले जनाएको छ।
