दार्चुलामा जिप दुर्घटना हुँदा तीन जना घाइते
![](https://dineshkhabar.com/sites/default/files/styles/row_list/public/field/image/Ghaite-21688262867-1024x768.jpg?itok=f70Xvx-x)
दार्चुलाः दार्चुलामा जिप दुर्घटना हुँदा तीन जना घाइते भएका छन्।
जिल्लाको शैल्यशिखर नगरपालिका वडा नम्बर ३ कर्कलेमा चालकसहित तीन जना सवार चिप दुर्घटना भएको हो। दार्चुला प्रहरीका अनुसार चालक दार्चुलाको मालिकार्जुन गाउँपालिका वडा नम्बर ८ पस्तीका ३४ वर्षीय मानसिंह टमाटाको टाउको चोट छ। उनी गम्भीर छन्। शैल्यशिखर नगरपालिका २ का ३० वर्षीय किरण कामी र बैतडीको डिलाशैनी गाउँपालिका वडा नम्बर ३ का २८ वर्षीय दिपक लुहारको अवस्था मध्यम छ।
घाइते तीनै जनाको गोकुलेश्वर अस्पतालमा समान्य उपचारपछि थप उपचारका लागि धनगढी पठाइएको छ। दार्चुलाको गोकुलेश्वरबाट बैतडीको गणन्नातर्फ गइरहेको से १ ज ११०४ नम्बरको जिप शनिवार साँझ साढे सात बजेतिर दुर्घटनामा परेको थियो। जिप सडकबाट दुई सय मिटर तल खसेको दार्चुला प्रहरीले बताएको छ।
![nast](https://dineshkhabar.com/sites/default/files/GIF_20240817_081752_058.gif)
![Sonalika](https://dineshkhabar.com/sites/default/files/Sonalika-Tractors-ko-web-banner-giff.gif)
![zeroo (add)](https://dineshkhabar.com/sites/default/files/456423139_541782204985733_4411965831574763754_n.jpg)