धनगढीमा अपांगता भएका व्यक्तिहरु बिच हाजिरजवाफ प्रतियोगिता
धनगढीः धनगढीमा अपांगता भएका व्यक्तिहरुको बिचमा हाजिरजवाफ प्रतियोगिताको आयोजना गरिएको छ।
बहुआयामिक अपांग समाज केन्द्र धनगढीले अन्तर जिल्ला हाजिरजवाफ प्रतियोगिताको आयोजना गरेको हो। हाजिरजवाफ प्रतियोगितामा बाँके, बर्दीया र कैलालीको सहभागिता रहेको थियो। तीन जिल्लाको सहभागिता रहेको प्रतियोगितामा बर्दीयाका राधेश्याम चौधरी र नरेश चौधरी प्रथम भएका छन्। बाँके जिल्लाका रिदम रोकाया र राजु रेग्मी दोस्रो तथा कैलालीका पुष्पराज जोशी र अनुप डगौरा थारु तेस्रो भएका छन्। उनीहरुलाई सर्वे सामाग्री र प्रमाणपत्र दिइएको छ।
प्रतियोगितामा चार समूहको सहभागिता रहेको थियो। केन्द्रकी अध्यक्ष शकुन्तला लिम्बुको अध्यक्षतामा भएको प्रतियोगितामा धनगढी उपमहानगरपालिकाकी उपप्रमुख कन्दकला राना प्रमुख अतिथि रहेकी थिइन। धनगढी उपमहाअनगरपालिका वडा नम्बर–२ का अध्यक्ष धर्मराज ओझा, बर्दीया नेत्रहिन संघका अध्यक्ष आलोक पूर्वार, केन्द्रका सल्लाहाकार हेमन्त शाही लगाएत अतिथि रहेका केन्द्रले जनाएको छ।
अपांगता भएका व्यक्तिको बौदिक क्षमता विकासका लागि प्रतियोगिताको आयोजना गरिएको हो।
