कञ्चनपुरमा लागुऔषधसहित तीन युवक पक्राउ

धनगढीः कञ्चनपुरमा लागुऔषधसहित तीन युवक पक्राउ परेका छन्। 

जिल्लाको पुनर्वास नगरपालिकाबाट प्रहरीले लागुऔषधसहित तीन जनालाई पक्राउ गरेको हो। कञ्चनपुर प्रहरीका अनुसार बुधवार राति पुनर्वास नगरपालिका वडा नम्बर ५ स्थित दोदा पुल नजिकबाट प्रहरीले ६ सय मिलिग्राम खैरो हेरोइनसहित तीन जनालाई पक्राउ गरेको छ।

पक्राउ पर्नेमा धनगढी उपमहानगरपालिका वडा नम्बर ६ मटियारी बस्ने २५ वर्षीय प्रकाश राना, गोदावरी नगरपालिका–९ मरकट्टीका सुवास राना र बेलौरी नगरपालिका–६ रिछाहका १८ वर्षीय सागर राना रहेका छन्। उनीहरुको साथबाट प्रदेश नं ३–०२–००१ प ११४८ नम्बरको मोटरसाइकल पनि बरामद गरिएको छ।