फुलबारीको शिवशंकर आधारभूत विद्यालयमा ४ वर्षसम्म शिक्षक पदपुर्ति भएन्

विज्ञापन खोलिएपछि ५ जनाको आवेदन परेकोमा ४ वर्ष सम्म पनि शिक्षकको पदपुर्ती गर्नको लागि परिक्षा समेत हुन सकेको छैन्। अपाङग कोटामा सपाङलाई भर्ना गर्नको लागि ठूलो आर्थीक चलखेल भएकाले हाल सम्म पनि परिक्षा हुन नसकेको आवेदन दिएका नन्दराज भट्टले बताए। पहिले महिलाको लागि राहात कोटो भएपनि राहातमा कार्यारत फुलवारीकै स्थानिय सपना विकले राजिनामा दिएपछि साविकको जिल्ला शिक्षा कार्यालयले राहात कोटालाई अपाङग कोटा बनाएको थियो। ४ वर्षदेखि शिक्षकको पदपुर्ति हुन नसक्दा पठनपाठनमा समेत समस्या भईरहेको छ। ४ वर्षदेखि शिक्षकको तलव मार्फत आउने रकम समेत कुन ठाउँमा प्रयोग भईरहेको छ भन्ने विषयमा पनि विद्यालय प्रशासन अनविज्ञ छ। शिवशंकर आधारभूत विद्यालय फुलवारीका प्रध्यानाध्यापक लक्ष्मीराज ओझाले विभिन्न कारण देखाउदै परिक्षा हुन नसकेको बताए। 

४ वर्षदेखि शिक्षकको दरवन्दी खाली हुँदा पनि शिक्षकको पदपुर्तिका लागि कुनै पनि सरोकारवाला निकायले कुनै पनि चासो देखाएका छैनन। २०७२ सालमा आवेदन दिएकाहरुले स्थानिय सरकार आएपछि परीक्षा दिन पाउँछु की भन्ने आशा गरेका थिए। तर स्थानीय सरकारको पक्षबाट पनि कुनै पहल भएको छैन। अहिलेको शिक्षा समन्वय एकाई, उप–महानगरपालिका लगायत अन्य सरोकारवाला निकायलाई यस विषयमा कुनै पनि चिन्ता छैन्। विज्ञापन खोलेको ४ वर्षसम्म परिक्षा नहुनुमा विद्यालय प्रशासन, स्रोत केन्द्र, साविकको जिल्ला शिक्षा र अहिलेको शिक्षा समन्वय एकाई तथा स्थानिय सरकारको कमजोरी भएको आरोप लागेको छ।