डोटीमा कोरोना खोप लगाएको अढाई घण्टापछि एक जनाको मृत्यु

धनगढी : डोटीमा कोरोना खोप लगाएको अढाइ घण्टापछि ६० वर्षीय पुरुषको मृत्यु भएको छ। जिल्लाको शिखर नगरपालिका वडा नम्बर २ का लालबहादुर बोगटीको मृत्यु भएको हो। 

२६ दिनअघि भेरोसीलको पहिलो खोप लगाएका बोगटीले सोमबार दोस्रो डोज लगाएका थिए। खोप लगाएको अढाइ घण्टापछि उनको मृत्यु भएको हो। मुडेगाउँ खोप केन्द्रमा बिहान साढे ८ बजे खोप लगाएर आफ्नो घर फर्किएर निदाएका उनी बिहान ११ बजे मृत अवस्थामा भेटिएका हुन्।

शिखर नगरपालिकाका स्वास्थ्य प्रमुख हरिस शाहले बोगटीको मृत्यु खोपको कारण नभएको दाबी गरे।