डडेल्धुरा बस दुर्घटनामा घाईतेको आर्थिक अभावले शल्यक्रिया रोकिदै

घाईतेको उपचारको पुर्ण खर्चको जिम्मा लिने भनेको प्रदेश सरकार मौन छ भने राजनीतिक दलका नेताहरु पनि एकले अर्काेलाई दोष देखाईरहेका छन्। उनीहरुको बिचमा समेत समन्वय छैन्। पुर्व मन्त्री वीरबहादुर बलायरले सबै घाईतेको उपचार खर्च एक्लैले बेर्होन नसक्ने बताए। उनले प्रदेश र केन्द्र कुनै सरकारले समेत रकमको व्यवस्था गर्न नसकेको बताए। मैले उनीहरुको उपचारका लागि रकम संकलन गरिरहेको छु। मेरो मात्र दुई लाख बढि खर्च भएको छ यसअघि खर्च व्यहोर्ने बताए बोली  फेरेका वलायरले भने– एक्लै मैले मात्र सबैको उपचार खर्च हर्न सक्ने भन्ने हुदैन्। सहयोगी हातहरु जुटिरहेका छन्। प्रतिनिधि सभा सदस्य प्रेम आलेमगरले पनि घाईतेका आफ्तलाई रकम दिएको दावी गरेका छन्। डडेल्धुरा बस दुर्घटनामा घाईतेको सम्पूर्ण उपचार शुल्क तिर्ने घोषणा गरेको प्रदेश सरकार भने आफ्नै घोषणाको विपक्षमा देखिएको छ। आर्थिक समस्याले उपचारमा समस्या हुँदा पनि प्रदेश सरकारले उपचारमा रत्तिभर सहयोग गरेको छैन।  मुख्यमन्त्री तथा मन्त्री परिषद्को कार्यालयले बसको विमामा काट्ने गरी पिसजोन विद्यालयलाई नै शुल्क तिराउन प्रशासन मार्फत निर्देशन दिएको छ।  मुख्यमन्त्री त्रिलोचन भट्टका स्वकीय सचिव शिव ओलीले विद्यालयलाई रकमको बेवस्ता गर्न भनेको बताए । उनले सरकारका कानूनी प्रावधानले समस्या भएको बताए। बसको बिमा हुन्छ, त्यहाँबाट पुगेन भने प्रदेश सरकारले थप्ने छ, उनले भने। 
डडेल्धुरा बस दुर्घटनामा घाईतेको सम्पूर्ण उपचार शुल्क तिर्ने घोषणा गरेको प्रदेश सरकार आर्थिक समस्याले उपचारमा समस्या हुँदा पनि पन्छिएको छ । बस दुर्घटनामा घाईते भएका २७ जनाको विभिन्न अस्पतालमा उपचार भईरहेकोमा आर्थिक अभावले उपचारमा समस्या भईरहेको छ। गत मंसिर ६ गत डडेलधुरा रडुवाखोला बस दुर्घटनामा १८ जनाको मृत्यु भएको थियो भने २७ जना घाईते भएको थिए। घाईतेलाई मुख्यमन्त्री त्रिलोचन भट्ट सहितका मन्त्रीहरुले भेट्दै सम्पूर्ण उपचार खर्च प्रदेश सरकारले ब्यहोर्ने घोषणा गर्नुभएको थियो। तर अहिले बिमामा काट्ने गरि विद्यालयलाई नै शुल्क तिराउन प्रशासन मार्फत मुख्यमन्त्री तथा मन्त्री परिषद्को कार्यालयले निर्देशन दिएको छ। तर आर्थिक समस्याले धेरै घाईतेहरुको शल्यक्रिया समेत रोकिएको छ।