मोटरसाइकलको ठक्करबाट बालकको मृत्यु भएपछि कैलालीको पूर्व–पश्चिम राजमार्ग अवरुद्ध

धनगढी:  मोटरसाइकलको ठक्करबाट घाइते भएका बालकको मृत्यु भएपछि आक्रोशित आफन्तले कैलालीको पूर्व–पश्चिम राजमार्ग अवरुद्ध गरेका छन्। 

शुक्रबार साँझ गोदावरी नगरपालिका–८ स्याउलेमा मोटरसाइकलको ठक्करबाट घाइते भएका ५ वर्षीय आयुष जोशीको नेपालगन्जमा उपचारका क्रममा शनिबार बिहान मृत्यु भएका थियो।  

आफन्तले ठक्कर दिने मोटरसाइकलको पहिचान गरी कारवाहीको माग राखेको छ। 

प्रहरीले ठक्कर दिएर भाग्नेको खोजी भइरहेको जनाएको छ।