दार्चुलाका आठ हजारभन्दा बढीलाई कोरोनाविरुद्धको खोप

धनगढी: दार्चुलामा हालसम्म आठ हजारभन्दा बढीले कोरोनाविरुद्धको खोप लगाएका छन् । 

गत फागुन २३ गतेदेखि चैत ५गते (हिजो) सम्म ८ हजार ५२१ जनाले कोरोना भाइरसविरुद्धको खोप लगाएका हुन् । दोश्रो चरणमा ६५ वर्षभन्दा माथि उमेर समूहका नागरिकलाई खोप लगाइएको छ । 

स्वास्थ्य कार्यालय दार्चुलाका अनुसार शैल्यशिखर नगरपालिकाका १ हजार ३ सय ९०, महाकाली नगरपालिकाका १ हजार २७०, मालिकार्जुन गाउँपालिकाका १ हजार ८६, मार्मा गाउँपालिकाका ९९० जनाले खोप लगाएका छन् ।

त्यसैगरी नौगाड गाउँपालिकाका ९ सय ७०, लेकम गाउँपालिकाका ९४८, दुहुँ गाउँपालिकाका ७५७, व्यास गाउँपालिकाका ७ सय र अपिहिमाल गाउँपालिकाका ४४० जनाले कोरोनाविरुद्धको खोप लगाएका हुन् ।