धनगढीबाट जहाज चढेर बाजुरा पुगेका ५ जनामा कोरोना पुष्टि

बाजुरा: २ महिनादेखि शुन्य कोरोना संक्रमति रहेको बाजुरामा ५ जना संक्रमित फेला परेका छन्। जिल्लाको स्वामीकार्तिक खापर गाउँपालिकाका ५ जनामा शनिबार कोरोना भाइरसको संक्रमण पुष्टि भएको हो। 

असोज २१ गते स्वाब संकलन गरी कर्णाली स्वास्थ्य विज्ञान प्रतिष्ठान जुम्लामा परीक्षण गरिएका ३७ जना मध्ये ५ जनाको रिर्पोट पोजेटिभ आएको जिल्ला स्वास्थ्य कार्यालय बाजुराका प्रमुख दयाकृष्ण पन्तले बताएका छन्।

उनीहरु सबै असोज ७ गतेको हवाइजहाजमार्फत धनगढीबाट आएका थिए। उनीहरुको नतिजा आउनुअघि हवाइजहाजको माध्यमबाट बाजुरा पुगेका एक जना शिक्षकमा कोरोना पोजेटिभ देखिएको थियो। 

त्यसपछि सोही जहाजमा आउने सबैको स्वाव संकलन गर्दा ५ जनामा कोरोना पोजेटिभ देखिएको स्वास्थ्य कार्यालय बाजुराका प्रमुख पन्तले बताए।