नेपालमा थप एक जनामा कोरोना संक्रमण, संक्रमितको सङख्या १०२ पुग्यो

धनगढी : नेपालमा थप एक जनामा कोरोना संक्रमण देखिएको छ। भेरी अस्पतालको प्रयोगशालामा जाँच गर्दा थप एक जनामा कोरोना संक्रमण देखिएको हो।

नेपालगञ्जमा भेटिएका ती संक्रमित १६ बर्षका पुरुष हुन्।  योसंगै संक्रमितको सङख्या एक सय दुई पुगेको छ। जसमध्ये ७४ पुरुष र २८ महिला संक्रमित रहेका छन्।

नेपालमा भेटिएका १०२ संक्रमित मध्ये ३० जना उपचारपछि निको भएर अस्पतालबाट डिस्चार्ज भएका छन्। तर, डिस्चार्ज भएका ३० जनामध्ये ३ जनामा पुन: संक्रमण देखिएको छ।