घट्यो सुनको मुल्य

स्थानीय बजारमा आज सुनको भाउ प्रतितोला  ८०० ले घटेको छ। नेपाल सुनचाँदी व्यवसायी महासङ्घका अनुसार छापावाला सुनको मूल्य प्रतितोला  ७५ हजार २०० र तेजाबी सुनको मूल्य प्रतितोला ७४ हजार ९०० मा झरेको छ। 

आइतबार र सोमबार स्थिर रहेको छापावाला सुनको मूल्य मङ्गलबार प्रतितोला ५०० ले घटेर ७६ हजार र तेजाबी सुनको मूल्य ७५ हजार ७०० पुगेको थियो।

यस्तै चाँदीको मूल्य पनि प्रतितोला पाँचले घटेको छ। महासङ्घले चाँदीको मूल्य प्रतितोला  ८७५ तोकेको छ।