कैलाली र कञ्चनपुरबाट भन्सार छलीका सामान बरामद
२०८३ भदौ १८, ०८:०२
धनगढीः कैलाली र कञ्चनपुरको विभिन्न स्थानबाट भारतबाट भन्सार छली गरी ल्याइएका सामान बरामद गरिएको छ।
कैलालीको विभिन्न स्थानबाट अन्दाजी ७७ हजार रुपैयाँ बराबरका कपडा, प्लास्टिक पोलिथिनलगायतका सामान बुधबार जिल्ला प्रहरी कार्यालय कैलाली तथा मातहतका प्रहरी टोलीले बेवारिसे अवस्थामा फेला पारी नियन्त्रणमा लिएको जनाएको छ।
त्यसैगरी, कञ्चनपुरको भीमदत्त नगरपालिका–११ गड्डाचौकीबाट भारतबाट भन्सार छली गरी ल्याइएका अन्दाजी १ लाख ६ हजार ९ सय रुपैयाँ बराबरका पटाका प्रहरीले बरामद गरेको छ। इलाका प्रहरी कार्यालय गड्डाचौकीबाट खटिएको प्रहरी टोलीले उक्त पटाका बेवारिसे अवस्थामा फेला पारी आवश्यक प्रक्रिया पूरा गरी नियन्त्रणमा लिएको जनाएको छ।
कमेन्ट लोड गर्नुस