टीकापुरबाट करिब ५८ हजारको भन्सार छलीको सामान बरामद
२०८३ साउन ६, ०८:१९
धनगढी: मङ्गलवार कैलालीको टीकापुरबाट करिब ५८ हजार मूल्यको भन्सार छलीको सामान बरामद भएको छ।
इलाका प्रहरी कार्यालय टीकापुरको प्रहरी टोलीले टीकापुर-६ वाणीघाट पुलबाट ५७ हजार ७५० मूल्यको बेबारिसे सामान बरामद गरेको हो।
प्रहरीले १८ पाकेट पवन सुर्ती, १० पाकेट आन्टी, ७१ पाकेट संगम बिडी र ७९ पाकेट श्यामलाल सुर्ती बरामद गरेको जनाएको छ।
प्रहरी जवान धर्मबहादुर साउँद नेतृत्वको प्रहरी टोलीले बरामद गरेको उक्त सामान भन्सार कार्यालय सत्तीमा बुझाइएको जिल्ला प्रहरी कार्यालय कैलालीले जानकारी दिएको छ।
कमेन्ट लोड गर्नुस