बाजुरामा नेपाल टेलिकमको नेटवर्क संकट गहिरिँदै, नौ वटै स्थानीय तह प्रभावित

बाजुरा: बाजुरामा पछिल्लो समय फोन नेटवर्क समस्या झन् गम्भीर बन्दै गएको छ। जिल्लाका सबै नौ वटै स्थानीय तहमा नेपाल टेलिकमको सेवा प्रभावित हुँदा स्थानीय नागरिकले सञ्चारमा ठूलो असुविधा भोगिरहेका छन्।

पछिल्ला दुई–तीन महिनायता फोन नलाग्ने, आवाज नआउने, कुराकानीकै बीचमा फोन काटिने र आवाज टुक्राटुक्रा भएर आउने जस्ता समस्या बढ्दै गएका छन्। फोन सेवा मात्र नभई फोरजी इन्टरनेट समेत प्रभावहीन बन्दै गएको छ, जसले गर्दा दैनिक जनजीवन नै प्रभावित हुन थालेको छ। दुर्गम क्षेत्रका बासिन्दाहरूका लागि समस्या अझै जटिल बनेको छ।