अब धनगढीसहित कैलालीका ७ स्थानीय तहबाट मालपाेतकाे काम हुने
धनगढीः मालपाेत धाएर घण्टौं लाइनमा लागेर गर्नु पर्ने काम अब स्थानीय तहबाटै हुने भएको छ।
स्थानीय तहबाटै जग्गा प्रशासन सम्बन्धी काम गर्न धनगढी उपमहानगरपालिकामा भू-सूचना प्रणाली सम्बन्धित तालिम सुरु भएकाे छ। स्थानीय तहबाटै जग्गा सम्बन्धी काम गर्न कैलालीान सात स्थानीय तहका कर्मचारीलाई सङ्घीय भूमि व्यवस्था तथा गरिबी निवारण मन्त्रालयले सोमवार र मङ्गलवार दुई दिने तालिम दिएको हो।
कैलालीको धनगढी उपमहानगरपालिका, गोदवारी नगरपालिका, गौरीगङ्गा नगरपालिका, घोडाघोडी, भजनी लम्कीचुहा र टीकापुर नगरपालिकाका कर्मचारी तथा कञ्चनपुर जिल्ला अन्तर्गतका स्थानीय तहहरूलाई जग्गा प्रशासन तथा भू सूचना प्रणाली सम्बन्धित तालिम दिइएको हाे।
भूमिव्यवस्थापन तथा अभिलेख विभाग बबरमहल आयोजना तथा धनगढी उपमहानगरपालिका कैलालीको सहकार्यमा मालपाेतबाट प्रदान गरिने जग्गा प्रशासनकाे काम स्थानीय तहबाटै सुचारु गर्न तालिम प्रदान गरिने लागिएकाे विभागका प्रवक्ता तथा निर्देशक हरिप्रसाद पन्तले जानकारी दिएका छन्।
मालपाेतबाट प्रदान गरिदै आएका लिखतपारित र नामसारी सेवा स्थानीय तहबाट सुरु गर्न याे तालिमले महत्वपूर्ण भूमिका खेल्ने उनले बताएका छन्।
तालिममा मालपाेत र स्थानीय तहमा ४३ जना कर्मचारीकाे सहभागिता रहेकाे थियो। तालिमपछि भूमि प्रशासन सम्बन्धी केही सेवा स्थानीय तहबाटै दिइने बताइएको छ।
