टी–२० विश्वकप : यूएईलाई हराउँदै अफगानिस्तानकाे पहिलाे जीत
काठमाण्डाै: आईसीसी टी–२० विश्वकप क्रिकेटमा अफगानिस्तानले संयुक्त अरब इमिरेट्स (यूएई) लाई ५ विकेटले हराएको छ ।
भारतको दिल्लीमा रहेको अरुण जेटली स्टेडियममा यूएईले दिएको १ सय ६१ रनको लक्ष्य अफगानिस्तानले १९ ओभर २ बलमा ५ विकेट गुमाएर भेटायो । अफगानिस्तानका इब्राहिम जद्रानले ५३, अज्मतुल्लाह ओमरजाईले नटआउट ४० रन बनाए । यूएईका जुनैद सिद्दिकी र मुहम्मद अरफानले २/२ विकेट लिए ।
यसअघि टस हारेर ब्याटिङ गरेको यूएईले २० ओभरमा ९ विकेट गुमाएर १ सय ६० रन बनायो । यूएईका सोहेब खानले ६८ रन बनाए । अफगानिस्तानका अज्मतुल्लाह ओमरजाईले ४ विकेट लिए ।
योसँगै अफगानिस्तानले प्रतियोगितामा पहिलो जीत हात पारेको छ । अफगानिस्तान ३ खेलमा २ अङ्कसहित समूह ‘डी’ को तेस्रो स्थानमा छ । यूएई ३ खेलमा २ अङ्कसहित नेट रन रेटका आधारमा चौथो स्थानमा छ ।
टी–२० विश्वकपमा अहिले इङ्ग्ल्यान्ड र इटालीबीचको खेल चलिरहेको छ । यस्तै आज बेलुकी सवा ७ बजे अस्ट्रेलिया र श्रीलङ्का खेल्दैछन् ।
