राप्रपा बैतडीको अधिवेशन पौष २७ गते हुने 

बैतडी:  राष्ट्रिय प्रजातन्त्र पार्टी राप्रपा बैतडीले आफ्नो जिल्ला अधिवेशन पौष २७ गते आयोजना गर्न लागेको छ। अध्यक्ष इन्द्रदेवशरण भट्टका अनुसार दश ओटै पालिकामा अधिवेशन सम्पन्न गरेपछि राष्ट्रिय एकता दिवस र पृथ्वी जयन्तीको अवसरमा यो अधिवेशन राखिएको हो।

अधिवेशनमार्फत जिल्लामा पार्टीको नयाँ नेतृत्व चयन हुने छ। तयारी प्रक्रिया भइसकेको र १० ओटै स्थानीय तहमा अधिवेशन सम्पन्न गर्दा पार्टीप्रति आकर्षण देखिएको अध्यक्ष भट्टले बताए।

यसै अवसरमा राप्रपाले बैतडी सदरमुकाम गोठलापानीमा चियापान समारोह पनि आयोजना गर्नेछ, जसमा सबै राष्ट्रप्रेमीहरूलाई आमन्त्रित गरिएको छ।