कञ्चनपुरका रामलाल सम्पर्कविहीन

कञ्चनपुरः कञ्चनपुरको बेलडाँडी गाउँपालिका–३ का अन्दाजी ३० वर्षीय रामलाल बडायक सम्पर्कविहीन भएका छन्।

भारतको रूद्रपुरबाट शुक्रबार बिहान ९ बजे घर पुग्ने भन्दै परिवारमा खबर गरेका उनी एकाएक सम्पर्कविहीन भएका हुन्। स्थानीय प्रशासनलाई घटनाबारे सूचित गरिएको र खोजीमा सहयोग गर्न समुदायका व्यक्तिहरूलाई पनि रूद्रपुर पठाएको सो वडाअध्यक्ष दुर्गाप्रसाद चौधरीले बताए।

परिवारका सदस्यले गढवालमा रहेका साथीभाइ र अन्य चिनजानका व्यक्तिहरूसँग पनि सम्पर्क गरेर खोजी गरिरहेको उनले बताए। उनलाई कसैले भेटाए वा उनीबारे कुनै जानकारी पाए नजिकको प्रहरी कार्यालयमा खबर गरिदिन आग्रह गरिएको छ।