धनगढीबाट ४ जना युवक लागूऔषधसहित पक्राउ
२०८१ पुष ४, १०:०४
धनगढीः कैलालीको धनगढीबाट ४ जना युवक लागूऔषधसहित पक्राउ परेका छन्।
धनगढी उपमहानगरपालिका–१३ राजपुरबाट गोदाबरी नगरपालिका–११ बस्ने २६ वर्षीय महेश राज बोहरा जैशी ४१० मिलिग्राम खैरो हेरोइनसहित पक्राउ परेका हुन्। जैशीलाई लागूऔषध ब्युरो शाखाबाट खटिएको प्रहरी टोलीले नियन्त्रणमा लिएको हो।
यसैगरी धनगढी उपमहानगरपालिका–१ शैलेश्वरी क्याम्पस नजिकबाट सोही ठाउँका २५ वर्षीय संजय नेपाली, २८ वर्षीय सुनिल नेपाली र ४७ वर्षीय लक्ष्मण पाकी पनि २६० मिलिग्राम खैरो हेरोइनसहित पक्राउ परेका हुन्। यी तीन जनालाई जिल्ला प्रहरी कार्यालय कैलाली र अस्थायी प्रहरी पोष्ट शान्तिनगरबाट खटिएको प्रहरी टोलीले नियन्त्रणमा लिएको हो।
कमेन्ट लोड गर्नुस