धनगढीमा मोटरसाइकल अनियन्त्रित हुँदा तीन जना घाइते

धनगढीः कैलालीमा मोटरसाइकल दुर्घटना  हुँदा तीन जना घाइते भएका छन्।

जिल्लाको धनगढी उपमहानगरपालिका–१३ का अमृत सुनारले चलाएको सुदूरपश्चिम प्रदेश ०१०११ प ४३२१ नम्बरको मोटरसाइकल अनियन्त्रित भएर दुर्घटना भएको हो।

उक्त दुर्घटनामा परेर धनगढी–४ का १६ वर्षीय अङ्कित शाही र १८ वर्षीय भीम बोहरा घाइते भएको प्रहरी निरीक्षक दर्शकन खड्काले बताए। चालकसहित तीनै जनाको निसर्ग अस्पतालमा उपचार भइरहेको छ।