रिटायर भएका शिक्षक एसपीए कलेजमा कक्षा १२ मा पढ्दै

धनगढीः जीवनभर शिक्षण पेसामा समर्पित रहँदै समाजको उज्यालो भविष्य निर्माण गरेका गणेशबहादुर सिंह ६५ वर्षको उमेरमा पनि ज्ञानको खोजीमा विद्यालयमा भर्ना भएका छन्।

बझाङको बुंगल नगरपालिका–६, दान्तोली घर भई हाल धनगढी उप–महानगरपालिका–३ विशालनगर बस्दै आएका सिंहले अहिले धनगढी स्थित सुदूर पश्चिमाञ्चल एकेडेमी (एसपीए) कलेजमा कानुन विषय अध्ययन गरिरहेका छन्। वि.सं. २०१७ माघ ७ गते जन्मिएका सिंहले औपचारिक शिक्षाको सुरुवात वि.सं. २०२५ सालमा गरेका थिए।

वि.सं. २०४१ सालमा स्थायी नियुक्ति पाएर शिक्षण पेसामा प्रवेश गरेका उनले ३६ वर्षसम्म यस क्षेत्रमा योगदान गरे। उनी २०७७ सालमा रिटायर भएका थिए। सिंह वि.सं. २०८० मा ११ मा भर्ना भई हाल कक्षा १२ मा कानुन विषय अध्ययन गर्दै छन्।