अत्तरियाबाट गहना र नगद चोरेर फरार भएका रिजाल पक्राउ

धनगढीः कैलालीमा सुनका गरगहना र नगद चोरेर फरार भएका एक जना पक्राउ परेका छन्।

जिल्लाको गोदावरी नगरपालिका–१ का २५ वर्षीय खडक रिजाल बिहीवार पक्राउ परेका हुन। उनले गोदावरी–१ मनहरा टोलकी पुष्पा सापकोटाको कोठा तोडफोड गरेर नगद र गरगहना चोरी गरेर फरार भएका थिए। उनी विरुद्ध इलाका प्रहरी कार्यालय मालाखेतीमा उजुरी परेपछि प्रहरीले खोजी गरेको थियो।

रिजालको साथबाट एक थान ४ आनाको सुनको तिलहरी, २ थान ६ दशमलव ५ आनाको सुनको झुम्का, एक थान १ आनाको सुनको काटा, एक थान २ आनाको सुनको चन्द्रमा र ३ हजार ४ सय नगद बरामद गरिएको इलाका प्रहरी कार्यालय मालाखेतीले जनाएको छ।