चिसापानीमा मोटरसाइकल अनियन्त्रित हुँदा एक जना घाइते

धनगढीः कैलालीमा मोटरसाइकल अनियन्त्रित हुँदा एक जना घाइते भएका छन्।

जिल्लाको मोहन्याल गाउँपालिका–७ पितमारीमा कुहिनेबाट चिसापानीतर्फ जाँदै गरेको सोही ठाउँका ३० वर्षीय भद्रप्रसाद अधिकारीले चलाएको सुदूरपश्चिम प्रदेश ०१००८प ७७९२ नम्बरको मोटरसाइकल अनियन्त्रित भएर दुर्घटना भएको प्रहरीले जनाएको छ।

उक्त दुर्घटनामा परेर मोटरसाइकल पछाडि सवार रहेका ३७ वर्षीय सुरेन्द्रकुमार रावल घाइते भएका हुन। उनको लालरत्न अस्पतालमा उपचार भइरहेको छ। घाइते रावलको बायाँ गर्दन र टाउकोमा चोट लागेको छ। अवस्था भने मध्यम रहेको छ।