कैलालीमा दुई मोटरसाइकल एक आपसमा ठोक्किए

धनगढीः कैलालीमा दुई मोटरसाइकल एक आपसमा ठोक्किदा दुर्घटना भएको छ। जिल्लाको बर्दगोरीया गाउँपालिका–२ मा पुर्वबाट पश्चिमतर्फ आउँदै गरेका दुई मोटरसाइकल एक आपसमा ठोक्किदा दुर्घटना भएको हो।

बर्दगोरीया–२ बौनीयाका रतिराम डगौराले चलाएको सुदूरपश्चिम प्रदेश ०१०१२ प ६५२६ नम्बर र घोडाघोडी–१ का सुर्यकुमार शाहीले  चलाएको कर्णाली प्रदेश ०२००१ प ०३१५ नम्बरका मोटरसाइकल ठोक्किएर दुर्घटना भएको हो। चौधरीले मोटरसाइकल ओभर ट्याक गर्नेक्रममा ठोक्किएर दुर्घटना भएको प्रहरीले जनाएको छ।

डगौराको पछाडि सवार रहेका भागीराम चौधरीको टाउकोमा  चोट लागेको छ। यस्तै शाहीको दाहिने हात, दुबै खुट्टा र उनको पछाडि सवार रहेकी रेखा शाहीको खुट्टा र शरिरमा  चोट लागेको छ। घाइतेहरुको बर्दगोरीया अस्पतालमा उपचार भइरहेको छ।