धनगढीमा भोलिबाट खुल्ला ब्याडमिन्टन हुने
धनगढीः कैलालीको धनगढीमा बिहीवार देखी खुल्ला ब्याडमिन्टन प्रतियोगिता हुने भएको छ।
ॐ श्रीनगर स्पोर्टस् क्लबको आयोजनामा भोली बिहीवार देखी कात्तिक २४ गतेसम्म धनगढी रंगशालामा खुल्ला ब्याडमिन्टन प्रतियोगिता हुने आज पत्रकार सम्मेलन मार्फत जानकारी गराइएको हो। मेन्स ओपन डबल्स तथा बि लेबल मेन्स डबल्स ब्याडमिन्टन प्रतियोगिताको सम्पुर्ण तयारी पुरा भएको क्लबका अध्यक्ष प्रेमप्रकाश शर्माले बताए।
मेन्स ओपन डबल्स ब्याडमिन्टन प्रतियोगितामा प्रथम हुनेलाई एक लाख नगद, ट्रफी, प्रमाणपत्र, दोस्रो हुने टिमलाई ५० हजार हजार नगद र तेस्रो हुनेले २५ हजार नगद, ट्रफी र प्रमाणपत्र प्रदान गरिने छ। यस्तै प्रतियोगितामा बि लेबल मेन्स डबल्स ब्याडमिन्टन प्रतियोगितामा प्रथम हुनलाई ५० हजार, ट्रफी र प्रमाणपत्र प्राप्त गर्नेछ।
यस्तै दोस्रो हुनेले ३० हजार नगद, ट्रफी र तेस्रो हुनेले १० हजार नगद, ट्रफी र प्रमाणपत्र प्राप्त गर्ने बताएको छ। यस्तै अनुसासित र बेष्ट प्लेयरलाई पनी नगद, ट्रफी र प्रमाणपत्र प्राप्त गर्ने ॐ श्रीनगर स्पोर्टस् क्लबका सदस्य जिवन खड्काले बताए। भोली बिहान ८ बजे देखी खेल सुरु हुने र प्रतियोगिताको उद्घाटन सुदुरपश्चिम सामाजिक विकास राज्यमन्त्री सरस्वती खड्काले दिउँसो १२ बजे गर्ने कार्यतालिका रहेको छ।
