कैलालीमा किरिया पुत्री कुर्न गएका विकमाथि कुटपिट 

धनगढीः कैलालीमा किरिया पुत्री कुर्न गएका बेला एक जनामाथि कुटपिट भएको छ।

जिल्लाको जानकी गाउँपालिका–७ का भीमबहादुर विकको घरमा किरिया पुत्री कुर्न गएका बेला सोही ठाउँ बस्ने ४० वर्षीय किस्ने विकमाथि कुटपिट भएको प्रहरीले जनाएको छ।

मादक पदार्थ सेवन गरेर विकलाई स्थानीय ३५ वर्षीय सोनु विक, २२ वर्षीय एकिन्द्र विक, २५ वर्षीय कालू विक र ४० वर्षीय जनक विकले कुटपिट गरेको कैलालीका प्रहरी नायब उपरीक्षक(डीएसपी) कबिन्द्र बोहोराले बताए। किस्नेको नाक र मुखमा चोट लागेको छ भने उनलाई उपचारका कोहलपुर मेडिकल कलेज रेफर गरिएको प्रहरीले जनाएको छ।