कैलालीबाट भरुवा बन्दुकसहित एक जना पक्राउ

धनगढीः कैलालीबाट भरुवा बन्दुकसहित एक जना पक्राउ परेका छन्।

जिल्लाको गोदावरी नगरपालिका–४ तखरे गाउँ बस्ने ६५ वर्षीय लालबहादुर बुढामगर पक्राउ परेका हुुन्। बुढामगरले आफ्नै घरबाट अन्दाजी ५० मिटर पुर्व पर्ने चैतडा सामुदायिक जंगलको खोल्सोमा लुकाई छिपाई राखेको अवस्थामा २ नाल लोड गरेको भरूवा बन्दुक, झोलाभित्र ४ ओटा फलाम र ४ ओटा सिसाको गोलि र २ सय ग्राम बारुदसमेत फेला पारी बरामद गरेको हो।

अस्थायी प्रहरी पोष्ट गोदावरीबाट खटिएको प्रहरी टोलीले हातहतियारसहित उनलाई नियन्त्रणमा लिएको  छ। सो सम्बन्धमा प्रहरीले थप अनुसन्धान गरिरहेको छ।