दार्चुलाबाट भन्सार छलीका सामानसहित एक जना पक्राउ

दार्चुलाः दार्चुलाबाट भन्सार छलीका सामानसहित एक जना पक्राउ परेका छन्। पक्राउ पर्नेमा डिलाशैनि गाउँपालिका–१ बस्ने ३१ वर्षीय सागर राना रहेको जिल्ला प्रहरी कार्यालय दार्चुलाले जनाएको छ।

प्रहरीका अनुसार मालिकार्जुन गाउँपालिका–८ पस्ती स्थित सुदूरपश्चिम प्रदेश ०१(००१ ज ११९० नम्बरको जिपलाई चेकजाँच गर्दा अबैंध रुपमा भारतबाट भन्सार छली गरि ल्याएका अन्दाजी मूल्य ५ लाख ५८ हजार बराबरको बिडी, सुर्ती, सलाई सहित चालक रानालाई पक्राउ गरिएको हो। रानालाई प्रहरी चौकी पस्ती, दार्चुलाबाट खटिएको प्रहरी टोलीले फेला पारी उक्त सामान, जिप र उनलाई आवश्यक कारवाहीको लागि भन्सार कार्यालय दार्चुलामा पठाईएको छ।