मानवसेवा आश्रमले भोलि धनगढीमा र्याली निकाल्ने
२०८१ कार्तिक १४, ०५:१०
धनगढीः मानव सेवा आश्रमले भोलि कैलालीको धनगढीमा र्याली निकाल्ने भएको छ।
आश्रमले देशभर ‘यसपालिको चाडपर्वमा कसैले सडकमा रहन पर्दैन’ भन्ने मुल नाराकासाथ उद्धार कार्यक्रम गरिरहेको छ। हालसम्म सो संस्थाले देशभर झण्डै १५० जना बेसाहारा तथा असाह्यहरुको उद्धार गरेको मानवसेवा आश्रम धनगढीका संयोजक दर्शन ढकालले बताए। उनका अनुसार भोलि धनगढी उपमहानगरपालिकाको चौराहादेखि पार्क मोडसम्म पञ्चेबाजासहित र्याली निकाल्ने कार्यक्रम तय भएको छ।
यस्तै भोलि साँझ शिवपुरी मन्दिरमा देउसीभैलो खेल्ने कार्यक्रम समेत छ। सो कार्यक्रम आनी छोइङडरोलमा फाउन्डेसन र मानवसेवा आश्रमको संयुक्त आयोजनामा हुन लागेको हो। कार्यक्रममा आनी छोइङडरोलमा फाउन्डेसनकी अध्यक्ष तथा गायिका आनी छोइङडरोलमा र मानवसेवा आश्रमका देशभरका विभिन्न स्थानका पदाधिकारीको समेत सहभागीता रहने बताइएको छ।
कमेन्ट लोड गर्नुस