कञ्चनपुरको कलुवापुर–बेलौरी सडकमा हात्तीको बथान

धनगढी : कञ्चनपुरको कलुवापुर–बेलौरी सडक खण्डमा हात्तीको बथान देखिएको छ। डिभिजन वन कार्यालय, कञ्चनपुरका अनुसार जङ्गली हात्तीको बथान सडकमा देखिएको हो।

कलुवापुर–बेलौरी सडक खण्डको रामनगर नलकादेखि बेलौरी सीतानगर बगैया तर्फ जङ्गली हात्तीको बथान जाँदैछ। डिभिजन वन कार्यालय, कञ्चनपुरले कलुवापुर–बेलौरी सडक खण्डमा यात्रा गर्दा वा रामनगर, सीतानगर, बन्तरिया, मैनाहा तथा जंगल नजिकका बस्तीहरूका नागरिकलाई सचेत रहन भनेको छ। जंगलमा हात्तीको बथान प्रवेश गरेकाले सतर्कता अपनाउन भनिएको हो।