गोदावरीबाट ५ लाख बढीको अवैध सामानसहित एक जना पक्राउ
धनगढीः कैलालीबाट पाँच लाख बढी मुल्यको अवैध सामानसहित एक जना पक्राउ परेका छन्।
जिल्लाको गोदावरी नगरपालिका–३ चौकी डाँडाबाट अन्दाजी ५ लाख ३ हजार २३० मुल्य बराबरको अवैध सामानसहित एक जना पक्राउ परेका छन्। पक्राउ पर्नेमा कञ्चनपुरको बेदकोट नगरपालिका–६ का २८ वर्षीय देवराज भण्डारी रहेका छन्।
उनलाई अपराध अनुसन्धान समुह र अस्थायी प्रहरी पोष्ट चौकीडाँडाबाट खटिएको प्रहरी टोलीले पक्राउ गरेको हो। भन्सार छलीका स्टेशनरीका सामान र लेडिज कपडासहित भण्डारीलाई प्रहरीले भन्सार कार्यालय त्रिनगर पठाएको छ।